अन्धकार अमेरिका
![](https://blogger.googleusercontent.com/img/b/R29vZ2xl/AVvXsEjSHM1_Rnz3VZkHp46ZpWHt6a1x89mKpuPPhfh1Lh44DdEghOv2fXb5fNtMfxN7-6w_BKcJfMqHSOEfC8_8w-hsGU9f0WmnGOMw5o_exJCGNeJWgOvWti_XKJk-OWcYiAPGO5sYUFxV0oir/s400/8452338_335x188.jpg)
![](https://blogger.googleusercontent.com/img/b/R29vZ2xl/AVvXsEg0J-cPVnrZnyegSnrQiCQkTsyFcL1vO5MwItwCMcvU-v7QmQJN873WYsq2NWdPtDJjxEq5JGbCcP01eCFv9NZfq3Rr7AZOmOaAWMY9XrODCJyf9WIHavoHR9wIeeoogJuXYz5EwDHmZI-L/s400/8451211_223x126.jpg)
![](https://blogger.googleusercontent.com/img/b/R29vZ2xl/AVvXsEilPAEARvGFw_zv-UbszCsmyAd18CWQPJe5uUtuYgoKv7q6hda5AUaNcT4BdQiIg22RZtHMRasPRGILPBTQUaTgUwZkNLvw2Gtm6jJrNS6wms0bbtCSSVN4fzUwNtyOuge-ICN7L-2a3Twk/s400/111201_tree_uprooted_elex.jpg)
![](https://blogger.googleusercontent.com/img/b/R29vZ2xl/AVvXsEjC31HEKqulTN9uqGdwvXsse9X0Qe7y1vKN73d7FJL0HmMC6l_hg_KpJd783vrumnn42ViHc035GOpBIZxMXsS9gveQAH1yd0-EJL1DtOIUGidHv1BtGslWkgvGP0bpa5KqPuCcrqV8smA0/s400/111201_seeit_pine_bluff.jpg)
![](https://blogger.googleusercontent.com/img/b/R29vZ2xl/AVvXsEioFN09gRYBCTJuqgKIe3lHUVz8yuZCyjG2VAaHO_Ia_aDmPoM-vFrSQ2ACmCH4nTnC5eJ1jFu9IcemreCNNfxQRkhQZDDncFN1jZR2_EqdZVhy-QlqMxoZ-aYH8BY7jLu58f9rg6aO_Cak/s400/111201_see_it_tree_arcadia_ernie_sanche.jpg)
![](https://blogger.googleusercontent.com/img/b/R29vZ2xl/AVvXsEhLYedJkXH2JAR9nrKmMx-hhxjhssxg0neHgli3T0gsjEyb8aiCpHDqBrfGH4g5aXmgHLZfc8dtlfNneWvXCemNmTr2EVRt74MRCs2ZIjD3N7nULL3yQ4mB5qyaQopQIFjJGAGYrmbAOVLd/s400/111201_see_it_tree_arcadia_apartment_oh.jpg)
![](https://blogger.googleusercontent.com/img/b/R29vZ2xl/AVvXsEiF7LMirJeWzKGMLnBuxoI3fPujb08DXs00VwYBhKtXs0ZF3xYXBXaKfb10Ls_C3yDwOP0TDieLOQTgDJ6WN3LDVoxgdW_4j3W4zHNhWtpgivvUn-g7To1yR18rGr-waUxp9HbPT3WTmv4t/s400/111201_see_it_traffic_light_glendale.jpg)
कृत्रिम शक्ति र सम्पन्नता प्रकृतिको अगाडि लाचार ठहरिन्छ । सर्बशक्तिमान भनिने अमेरिकामा केही साल पहिले आएको प्राक्रितिक प्रकोपले न्यू ओर्लियनस भनिने राज्य उठिबास लगाएको थियो । भीषण बर्षा र हुरीले सारा घरहरु उडाए, राज्य पुरै जलमग्न भयो । प्रकृतिले दिएको त्यो दु:ख र जनधनको पुननिर्माण अझै सकिएको छैन, न्यू ओर्लियनसमा । अमेरिकाको एस्ट कोस्ट भयानक हिमपात, आंधी र तुफानको कारणले दरलाग्दो मानिन्छ । सामुन्द्रिक सतहबाट नजिक प्रायश: राज्यहरु प्राक्रितिक डरले बेलाबेलामा "एलर्ट" रहने गर्दछ्न । समुन्द्रमा तेल चुहिएको गत सालको घटना, आर्थिक मन्दी र बेरोजगारले सर्लक्कै गांजेको छ, अहिले अमेरिकालाई । संसारको सर्बशक्तिमान भनिने अमेरिका जसो तसो बढ र ब्यबधानलाई छिचोलेर 'जिउने' गरेको छ, अहिले । उदांदो चीन र भारतको अकल्पित आर्थिक फडकोले अमेरिका झस्किएको र आफ्नो सम्पन्नता र रवाफमा आंच आउंने त्रासले झस्किएको पढ्न पाइन्छ ।
सपनाहरु सांचेर डलरको आशमा अमेरिका आउनेहरुको संख्या घटेको तथ्याङ्कहरुले बताउंछन रे । अमेरिका आउने नेपाली बिद्धार्थीहरुको संख्या एक्कासी घटेको समाचार पनि भर्करै सार्वजनिक भएको थियो । सोचे जस्तो छैन' अमेरिका । हरेक तप्कामा क्रियाशिल नेपालीहरुको निराशापनले यही बताउंछ । खैर, सम्पन्नताको यो देशमा जोडिएका बिजुलिका तारहरु एक्कासी लथालिङ भए, अस्ति बेलुकी । रात्को ९:३० देखि लस एन्जलस क्षेत्र वरपर आएको भीषण हुरीले सडक छेउ-छाउका धेरै रुखहरु ढले । घरका धुरीहरु चेपिए, पार्किङ्मा राखिएका सवारी साधनहरु कुच्चिए । ब्यस्त फ्री वे हरु जाम भए । बत्ति गयो । अन्धकार भयो, अमेरिकाको यो ब्यस्त शहर । बाटाका सडक बत्तिहरु काम गर्न छाडे । हतारमा दौडिने बानी परेकाहरु दुर्घटित भए । ब्यापार - ब्यबसाय बन्द भए । हिजो हाहाकार भयो । जसले ब्यबसाय खोले, ती स्टोरहरुले दोब्बर भाउमा सामान बेचे । जताततै हतार अनि अन्धकार र इमर्जेन्सी भ्यानका साइरनहरु, प्रहरीहरु कुदा-कुद । देखियो, अमेरिकाको स्टेट अफ ईमर्जेन्सी ।
सधैं बत्ति जाने नेपाल देशका हामी । बानी परिसकेका हामीलाइ त त्यति गार्हो भएन । समय काट्न गार्हो हुंदोरहेछ । २०१२ मा संसार ध्वस्त हुन्छ भन्थे, नभन्दै हुन्छ की जस्तो पनि लाग्यो । ईन्टरनेट पनि नभएपछी ईंङ्लिश मात्रै बोलेर के गर्ने ? धन्न आज लाइन आयो । त्यसो त, प्राक्रितिक बिपत्तिका यी फोटाहरु ; साभार : ABC7.COM